न्याय सेवा आयोगले तीन सहसचिवलाई सचिवमा बढुवा गर्न निर्णय गरेको छ । आज बिहान बसेको परिषद्का कामु सचिव रामप्रसाद भट्टराईका अलवा ठगेन्द्र कट्टेल र बाबुराम दाहाललाई सचिवमा बढुवाका लागि सिफारिस भएका छन्।
बिज्ञापन
बैठकले न्याय परिषद् सचिवालयका कायममुकायम सचिव रामप्रसाद भट्टराईलाई परिषद् सचिवका लागि सिफारिसको निर्णय गरेको छ । ०२९ वैशाख १७ गते झापामा जन्मिएका भट्टराई ०५६ भदौ ७ गते न्याय सेवाको अधिकृत पदबाट सेवा प्रवेश गरेका थिए । उनी उपरजिस्ट्रार हुँदै २०७४ जेठ १९ मा सहरजिस्ट्रार भएका थिए । परिषद् सचिव रहेका जितेन्द्रबाबु थपलिया गत वैशाखमा उच्च अदालतको न्यायाधीशमा नियुक्त भएपछि भट्टराई कायममुकायम सचिवका रूपमा परिषदमा कार्यरत थिए ।
बिज्ञापन
मंगलबार बसेको न्याय सेवा आयोगको बैठकले रिक्त सचिवमा भट्टराईलाई बढुवा गर्न सिफारिस गरेको हो। भट्टराई सचिवमा बढुवा भएसँगै न्याय परिषद्कै सचिवमा पदस्थापन गर्न पनि सिफारिस गरिएको छ।
यस्तै आजको बैठकले सर्वोच्च अदालतमा कार्यरत सहसचिवद्वय ठगिन्द्र कट्टेल र बाबुराम दाहाललाई सचिव (रजिस्ट्रार) पदमा बढुवाका लागि सिफारिस गर्ने निर्णय गरेको हो।
